News 2023/24



Buna finiziun dalla runda da qualificaziun

Guter Abschluss der Qualifikationsrunde

 

Empau si e giu eisi schon iu ella runda da qualificaziun 2023. Nus vein giu buns e bials giugs plein tensiun, ed auters giugs ein stai d'emblidar. Nus essan denton cuntents cun nies bien plaz sil secund rang dalla tabella. Quei muossa tuttina che nus vein fatg bia endretg. Ina cuorta resumaziun dils giugs anflas ti en nos news.

 

Ussa va ei ella pausa d'unviern. Suenter haver fatg lavur cumina vegnin nus a guder in flot di d'equipa cun recreaziun. Secapescha che nus menein puspei atras nies turnier da jass tradiziunal (ils 2 - 4 da fevrer 2024) e nus mein - co savess ei esser auter - puspei el camp da trenament primavera. Aschia sperein che nus seigien fits sin la runda da promoziun.

 

Sin nossa pagina da web vegnin nus ad orientar regularmein sur dils events digl unviern. 

 

 Etwas auf und ab ging es schon in der Qualifikationsrunde 2023. Wir hatten gute und schöne Spiele mit viel Spannung und guten Kombinationen, aber auch solche, die wir lieber vergessen wollen. Wir sind trotzdem zufrieden mit unserem guten zweiten Platz in der Tabelle. Dies zeigt, dass wir doch einiges richtig gemacht haben. Eine kurze Zusammenfassung der Spiele findest du in den News

 

Jetzt geht's in die Winterpause. Nach unserem Fronarbeits-Einsatz werden wir noch einen geselligen und unterhaltsamen Mannschaftstag geniessen. Selbstverständlich werden wir auch wieder unser traditionelles Jassturnier durchführen (2. - 4. Februar 2024) und wir gehen - wie kann es anders sein - im Frühling wieder ins Trainingscamp. So hoffen wir, dass wir wieder fit und parat sind für die Promotionsrunde.

 

Auf unserer Webseite werden wir regelmässig über unsere Winterevents informieren. 

 

Download
Tippspiel US Rueun
US_Rueun_Tippspiel.pdf
Adobe Acrobat Dokument 468.1 KB

10.11.2023 Di d'equipa cun trer tschoccas (Eisstockschiessen)

Suenter entgins onns da pazienzia eis ei finalmein puspei stau aschi lunsch. Nus sentupein per nies gi d’equipa per guder in bien temps ensemen.

 

Sentupada (per quels che han pudiu levar) era allas 11:15 uras (e bu 11:30 uras 😉) a Glion ell’ustria dil Migros. Nus havein gudiu in bien gentar ensemen. Silsuenter essan serendi direcziun Flem en il center da Sport Prau la Selva. Naturalmein ha in u l’auter «Wegbier» buca astgau muncar per quei viadi stentus.

 

Arrivai el center da sport havein passentau aunc in mument ell’ustria tochen che tuts annunziai ein arrivai. Allas 14:00 uras havein nus survegniu in’instrucziun a moda e maniera suverana, aschia che nus eran prompts per entscheiver cun l’occurrenza. Nus havein fatg tschun equipas che han silsuenter giugau in’encunter l’autra. Renomadas equipas sco il «Team Wampa» han era anflau la via sin il glatsch. Damai che mintgamai quater equipas giugavan, haveva in’equipa pausa e saveva guder il bien apéro cun in u l’auter migiel vin cauld. Il punsch ei nuota vegnius schazegiaus sco il vin cauld. Basta - cun massa emoziuns e grond engaschi eis ei vegniu giugau «Eisstockschiessen». Accidents ha ei per cletg dau negins, numnadamein haveva in u l’auter giugadur ina hazra forza da trer il fest - mo vid la precisiun muncava ei magari. Gudignau il turnier ha il grondius «Team cigaretta» - cordiala gratulaziun. Suenter duas uras intensivas era nies temps da glatsch finius, igl apéro magliaus/buius e la cundiziun giun plaun, aschia che essan i si ell’ustria per rimnar novas forzas. Ell’ustria han entgins giugau in jass, auters mirau tier al giug da Ice Hockey Val S. Pieder encunter Cuera ed puspei auters han mirau ballapei sin lur moderns e bials telefonins. Deplorablamein ha il BVB buc procurau per massa fatschas rientas.

 

Vid las 17:45 uras essan nus serendi en la Pizzeria Veneziana. Leu havein nus gudiu ina prima tscheina communabla cun in stupent service. Suenter la tscheina eis ei aunc vegniu raquintau ina u l’autra sgnocca. Entuorn las 21:00 uras ein ils emprems giugadurs serendi vinavon direcziun sortida e ils pli vegls a casa en letg. Tut en tut eis ei stau ina stupenta sonda.

 

Ils organisaturs

Roni e Simon

 


Zwischenresultat :-)


22.10.2023, 15:00, Degen, s. Bistgaun

 

CB Lumnezia 3

 

1  :  3

 

US Rueun


Meritada e biala finiziun dalla runda da qualificaziun

Nus savevan che nus vevan la pusseivladad da serrar giu la runda da qualificaziun sil secund plaz, tut tenor sco ils giugs da nos adversaris fineschien e sco nus vegnin da dar il giug encunter il CB Lumnezia. Tuts eran pia motivai ed han priu ensemen tut las forzas per dar in bien giug. Duvrau ha ei quellas, pertgei enqualin ha giu ina cuorta notg suenter il BIG AIR a Cuera... 

Pils aspectaturs eisi stau in bi mirar. Bialas scenas, era dils adversaris, tensiun e cumbinaziuns han dau tempra al giug. Sche nus vessen aunc giu in tec dapli cletg vessen forsa aunc fatg dus goals dapli, pertgei inaga vein gartegiau la latta, in'autra ga la petga. Nicolas Schnoz, Jonathan Flütsch e Mirco Dermond han mintgamai fatg bellezia goals ch'ein buca stai da tener, era grazia allas bunas cumbinaziuns dils ulteriurs giugadurs.

 

Ussa savein nus ir cuntents ed engrazieivels ella pausa d'unviern. Sin primavera sperein che nos blessai seigien puspei en gamba e sappien danovamein sustener nus cun lur forzas.

 


14.10.2023, 16:00: Rueun, Isla

 

US Rueun

 

1  :  0

 

US Danis / Tavanasa


Da "schuffas"

Quella ga eisi buc da seludar. Motivai essan vegni sil plaz, treis puncts vein vuliu recaltgar tier nies davos giug a casa, dau ha ei la finala els cun breigias e miserias. Joel Candrian ha liberau nus ella 75avla minuta entras ch'el ha saviu plazzar la balla ella reit suenter che nus vein giu schau ira entginas bunas pusseivladads. Cuntents essan nus buc. Nus savein dapli. Uss eisi da seconcentrar sil davos giug en Lumnezia e lu vesein nus co ei va vinavon primavera. Nies plaz ella rangaziun ei aunc buc segiraus, denton vesa ei ora gnanc schi mal. 

 

Nos fotografs da casa han persuenter luvrau agl ur dil plaz. Las fotografias anfleis en nossa galeria da fotos.

 


07.10.2023, 17:00: Sedrun, Dulezi

 

FC Sedrun / Disentis

 

3  :  4

 

US Rueun



30.09.2023, 16:00: Rueun, Isla

 

US Rueun

 

1  :  2

 

FC Taminatal



23.09.2023, 16:00: Rueun, Isla

 

US Rueun

 

3  :  2

 

FC Bad Ragaz



08.09.2023, 20:00: Rueun, Isla

 

US Rueun

 

5  :  3

 

CB Trun / Rabius


Victoria meritada

Suenter il giug encunter il CB Union Trin cun nos reservists vein nus quella ga puspei saviu quintar sil plaz cun enqual blessai ch'ein turnai. Nus eran motivai e quei ei restau aschia tochen la davosa minuta. L'emprema ga ei la motivaziun gia sepagada ella 11avla minuta suenter che Jonathan Flütsch ha cuglienau plirs giugadurs da Trun e saviu dar in bi pass ad Elia Arpagaus che ha tschentau il bal cun in bi siet sisum seniester el quader. Mo era nies goalie Patric Cavigelli che remplazza pil mument Adam Derungs ch'ei serraus ha fatg sias paradas. El veva buca mo nuot da far. Ella 23avla minuta ha el stuiu incassar in cuntergoal ord il smugl davon el. Nus vein aunc giu pliras bialas schanzas che nus vein deplorablamein buc mess entuorn ed essan aschia i cun in 1:1 ella pausa.

 

Strusch sil plaz ha Tobias Schär ch'ei vegnius midaus en ed oz l'emprema ga sil plaz gest nezegiau si'emprema caschun e stuschau il bal cun saung freid viaden el goal (2:1). Enteifer paucas minutas vein nus giu plirs buns muments e gia ella 52avla ha Luca Montalta survegniu in bi pass ch'el ha saviu plazzar el goal senza che siu adversari vess giu ina schanza (3:1). Diesch minutas pli tard la proxima biala acziun da Giovanni Damiano che sietta il bal da liunga distanza atras la fuola viaden el goal, buc da tener pigl goali digl adversari (4:1). Uss vinavon aschia. Suenter in sbagl digl goalie dils adversaris ha Ian Spescha giu nuot auter da far che da sittar il bal pacific ella reit ch'era buca pli survigilada (5:1). Il siemi fuss staus da far in 6:1 ed aschia neutralisar il diember da goals cassai dalla davosa ga. Gliez ei deplorablamein buc gartegiau. Ils da Trun han midau en giugadurs e puspei gudignau slontsch. Nus vein giu pusseivladads da far goals, denton buc mess entuorn ei. Ils nos eran plaunet empau staunchels. Suenter in sbagl da nus gartegia ei ella 88avla minuta da far in cuntergoal. Gie, ed ella prolungaziun han ils da Trun veramein aunc sittau in goal cuort avon ch'il schiri ha schulau giu. Tenor nus vess il schiri astgau far quei ina minuta pli baul. Mo uss eisi sco igl ei. Nus essan tuttina cuntents, igl ei stau in bi e fair giug cun tensiun e bunas scenas, era pils aspectaturs.

 


31.08.2023, 19:30: Trin, Prau Davon

 

CB Union Trin

 

6  :  1

 

US Rueun


Es war gar nicht anders möglich

Es ist nicht so, dass die Spieler vielleicht nicht alles gegeben haben, gar nicht. Wir mussten nämlich alle unsere Reservisten holen, um überhaupt spielen zu können. Unser Torhüter Adam Derungs ist leider gesperrt, unser 2. Torhüter Ian Spescha verletzt. Ausserdem etliche weitere Verletzte, zudem diverse Abwesenheiten wegen der beginnenden Jagd oder auch wegen Verletzungen. Also müssen wir uns über dieses Resultat nicht aufregen. Es gibt aber auch nicht viele Worte zu verlieren. Hoffen wir, dass unsere Verletzten bald wieder einsatzbereit sind und schauen wir nach vorne!

 


18.08.2023, 20:00: Laax, Lag Sec


 

CB Laax

 

2  :  2

 

US Rueun


Verhältnismässig zufrieden

Im ersten Meisterschaftsspiel begannen wir etwas verhalten, aber doch konzentriert, was sich bereits in der 17. Minute durch ein Tor von Ian Spescha bezahlt machte. Nur zwei Minuten später trafen aber auch unsere Gegner das Tor und schlossen zum 1:1 auf. Wenn wir bedenken, dass wir dieses Spiel wegen diversen Absenzen durch Ferien, Verletzungen und Erkrankungen mit vielen Reservespielern bestritten, dürfen wir mit der ersten Hälfte des Spiels sehr zufrieden sein. Nach der Pause traf dann Diogo da Silva, soeben eingewechselt, zum nächsten Führungstreffer. Ein Weitschuss von Jan Tomaschett verfehlte das Tor knapp und prallte indirekt am Pfosten ab. Danach wurde es hektisch, denn wir kassierten eine rote Karte, aus unserer Sicht unverdient. Unser Torhüter Adam Derungs wurde ein Foul zugesprochen, sodass Ian Spescha für ihn übernehmen musste. Wir spielten zu Zehnt weiter und hätten das Resultat wahrscheinlich halten können. Leider pfiff der Schiri in der 81. Minute nochmals einen Penalty wegen eines hohen Beins von Mirco Dermond, den die Gegner selbstverständlich in ein Tor verwandelten. Auch dieser Entscheid des Schiedsrichters war aus unserer Sicht äusserst hart.

Die Moral von der Geschichte: Wir hielten durch, wir gaben nicht auf, trotz aller Widrigkeiten, das Publikum stand hinter uns und in der 88. Minute hätte Simon Casanova noch fast einen Treffer gelandet.