1. gi: Arrivada ad Antalya

Finalmein eis ei aschi lunsch, il camp da trenament entscheiva oz!

Dallas 10:00 essan nus sentupai a Rueun avon il caffè Tschuor. Cura che tuts han survegniu lur balla ed han anflau in plaz en in auto, essan nus semess sin via encunter Turitg.

Suenter che finalmein tuts eran arrivai, era nies student da Turitg, ha ei giu num “Jeu vai fom, meins el burger King!! “ La maglia ha gustau. Uss savein nus sgular en direcziun Antalya. Avon ch’entrar egl aviun vein nus tertgau che sulettamein nus astgeien sgular cunquei che nus eran ils sulets che spitgavan. Egl aviun bunamein schon plein havein nus stuiu constatar che tuts spitgavan mo sin nus!

Suenter treis uras nunspannegiontas essan nus setschentai ad Antalya. Vinavon havein nus cuntinuau nies viadi cul luxiurus bus entochen il hotel Miracle. Il check-in havein nus, cun pintgas carplinas, silsuenter era dumignau. Era la combra vein nus retratg, e vein allura priu part alla tscheina da buffet cun ina vasta purschida. Il rest dalla sera havein nus passentau cun accumpignament da musica divertenta e gervosa dalla terchia. Mo ils paucs che purtavan jeans han astgau entrar ella disco dil hotel. Caultschas da trainer eran buca lubidas, aschia che il rest ei ius a durmir.

Dominic, Tizian, Lucas