In gi gartegiau

Suenter che nus havein nezzegiau igl all inclusive sin tuttas modas e manieras han la finfinala tuts anflau baul ni tard il letg. La proxima damaun eran nus surstai che tuts han dumignau ei punctual allas otg agl ensolver. Las 09:30 eis ei iu liber cugl emprem trenament. L’aura era sulegliva, il plaz en uorden, denton targeva in fervent vent en direcziun sidost. Nus havein denton buca schau disturbar da quel ed havein absolviu in stupent trenament cun buna disciplina e bia engaschi. Suenter havein nus gudiu nossa marenda bein meritada. Alura ei l’entira equipa serimnada per far ina cuorta spassegiada sigl areal dil hotel. Dallas 15:30 ha ei puspei giu num trer en ils calzers da bal ed ir a trenar. Entgins sentevan gia las combas. Cu il trenament era alla fin essan nus ir a sferdentar el bogn cuvretg dil hotel. Certs han gudiu il wellness cun sauna, bogn da vapur etc. La sera essan nus s’entupai per la tscheina communabla. Al buffet ha mintgin anflau ina tratga deliziusa. Oz han finadin saviu sevestgir tenor il dresscode dalla disco, aschia che nus havein saviu guder ina buna sera da cumpignia. En quei senn, viva!

Cars salids Joel, Tobias e Nicolas

In pèr impressiuns dil gi dad oz